什麼是on call

有些朋友對醫生的工作很有興趣。就讓我介紹一下何謂醫生的call.
1.call 是令人加速衰老。十一點到兩點人體自我修補的時候，要收症，做心電圖，
打點間滴...
2.call 是冇覺好訓。睡病人camp bed(用來加床的摺床）、寢陳年冇人洗的病人寢
頭，一邊睡一邊嗅著病房味，一邊担心著call機發出最討人厭的響聲，叫自己快些
睡，腦袋又不斷回嚮剛剛搓人的畫面
3. Call 是對EQ的考驗。半夜三更病人因腰背痛、腸胃炎入院，又或者明明朝早開
始唔舒服，係要拖到零晨三點先睇醫生。剛剛睡得著就被叫醒，即使是怒火中燒，
爆粗都只可以對著道牆，對著病人還是要和顏悅色。
4. Call 是令人信命。有人天生黑仔，逢call 必有人要搓，必收大量殘症。否極唔
一定泰來，天要你做，你不得不做。
5. Call 是要病人好、醫生病。做足一天，半夜還要跟冇哂血管的亞婆搏鬥（打點
滴），亞婆起勢咁＂郁＂，大喊救命，你打爆哂d＂最後希望＂。徬徨之餘，你覺得
自己好像在強姦亞婆。終於打到啦，得到一身骨痛。冇休息抵抗力奇差，小朋友的
強勁感冒總會攻破你。長期帶住口罩，得到的是一臉暗瘡。

以上全屬事實但未算事實之全部，得閒再寫。