話說家父家母有種癮
喜歡亞記節目...
我和姐姐兩個看無記長大的人
往往都要張就兩老一下
從前爸爸媽媽不太愛追電視劇
一齣新劇媽媽不會追多於五集
爸爸便間中看一兩套大劇(印象中例如"酒店風雲"...)
不知從那時開始 (大概"爭霸"上下吧...)
他們開始七時半開始坐至十時半
well, 吳卓羲成為媽媽"賣飛佛"
而爸爸就迷上了亞記的外購劇!
天啊!
是亞記 !
是台灣外購劇 !
是悲天忟人,老土氾駁,搧情而不合理的劇!
最重要是
是七點半啊!!!!!!!
是晚飯必經的七點半啊!
避都避不了...
兩姊妹一起看的話
我們會一邊看,一邊大聲指指點點
或者喪笑一番
抒發出來
若兩姊妹剩下一個
就可憐了
敢怒不敢言... ...
不信的話
可星期一至五七時半
亞記"第一茶莊"
感受下啦!
p.s. 姐姐今晚辛苦你啦, 我昨晚嚷著要看東張西望周杰倫訪問
也被人連飯帶雞脾打入房看... ...
6 comments:
我mami都係亞記粉絲lei ga...!
還好我九點半先食飯, 係《雪山飛孤》, 都ok ge~~ :P
不過屋企得one and only one TV, 必要時唯有錄影啦
真係攞命！
我「間場」見到廣告，「第一茶莊」之後仍然是台劇，喊苦喊忽、打十層 soft 鏡、女主角受盡欺凌的那種，沒看錯的話，「第一茶莊」的男主角「趙天字」都有份演出！！
於是我就咆哮：「吓？！又嚟？真係要投訴亞視！」誰知爸爸一臉認真：「咩啫，幾好吖，幾好睇呀呢啲！」我忍不住就反駁：「唔係呱，一日到黑乸口乸面，最憎！」然後媽媽亦加入戰團，好嚴肅咁話：「好似京華春夢咁㗎，好好睇㗎！」我見他們二人口徑一致，我孤掌難鳴所以不再還擊，不過心中就嘀咕：「頂！京華春夢你哋都睇過九百幾次啦，似京華春夢咁會有幾好睇呀？！」
btw, 樓上 sandy, 恕我冒昧問句：你晚飯時間睇《雪山飛孤》，咪即係晚晚食飯都聽一次朱茵姐姐主唱嗰首主題曲？？
都……辛苦哂你喎。
(香港地，真係「家家有本難唸的經」……)
哈哈哈哈哈... ...
辛苦大家啦!!!~~
真是孝順父母的好孩子們~~
姐姐:千萬不要一個人敵他們兩個
"你沒有好結果"...
那次爸爸話我"陰毒呀你"...
我呆0左..."邊個呀?"
"你囉... 唔叫人轉台!"
唔提佢轉台都陰毒
彈佢齣戲?脫離父女關係都似... ...
所以呢~賭幾多我都制.......=(
咪就係！真係頂癮到暈，平日超爸笑騎騎咩都唔計較㗎嘛，抵得佢竟然咁捍衛亞記外購劇！
佢趁你唔喺屋企，一早轉定台睇「大城小故事」，我問「食飯唔睇呢啲得唔得呀？」，佢笑都唔笑吓臉有慍色咁駁我「唔係你想睇咩先？！」嘩，得人驚到吖~~~~
大佬呀！又唔係唔俾你睇「溏心風暴」，我叫你唔好睇「大城小故事」啫，駛唔駛咁激動呀！
如果十幾廿年前佢哋咁大電視癮，我諗我要攬住你哭訴「妹妹，爸爸媽媽唔要我哋喇~~」！
Post a Comment